Կամավորական  աշխատանք

Հարավային դպրոց. օր երրորդ

Դաստիարակ՝ Անի Գրիգորյան, Լիլիթ Առաքելյան

Պարբերաբար կազմակերպելով ազգային խաղեր, կդարձնենք այն սաների առօրյայի մասն ու սաների միջոցով կդառնանք մեր մշակույթի կրողն ու տարածողը. չէ՞ որ այդ խաղերը սաների հետ կգնան տուն, սաները կսկեն խաղալ ընտանիքի անդամների հետ, բակում՝ ընկերների հետ:

Նախապես սաների հետ ծանոթացանք զրուցեցինք խաղերի մասին, թե որոնք են ազգային խաղերը, ինչպես են խաղում: Իրենք պատմեցին, թե ինչ  խաղեր գիտեն, ինչ խաղեր են խաղում տանը, բակում՝ ընկերների հետ։

 

 

Կամավորական աշխատատանք․ օր երկրորդ

Քոլեջի նախակրթարան՝  2 — 5 տարեկանների խումբ

Դաստիարակ՝ Վարդ Օսիպովա, Իրինա Սարգսյան

Այս անգամ էլ , ըստ կարգի, ջերմաչափում անելուց ու գրանցվելուց հետո նկատեցի, որ Քոլեջի սաներն արդեն մուտքի մոտ ինձ են դիմավորում։ Նախակրթարանի սաների հետ գործունեություն իրակացնելու համար ծրագիր ու նախագիծ ներկայացնել երբեմն անհրաժեշտ չի լինում, իրենք իրենց գործողություններով քեզ թելադրում են ամբողջ ընթացքը։ Դե, ոնց որ պայմանավորվել էինք, պետք է աղցան պատրաստենք։ Դեռ չէինք հասցրել բանջարեղենը տեսակավորել, իրենք արդեն ինքնություն, առանց նախազգուշացման իրենց ձեռքերն էին լվանում․ չէ՞ որ առանց լվացվելու չեն կարող խոհանոցային գործունեություն իրականացնել։ Ամենահավես պահը, երբ երեխաներն ավելի շատ ու ախորժալի ուտում են աղցանի բաղադրիչները պատրաստելու ընթացքում, քան վերջում՝ պատրաստի աղցանը։ Հաշվեցինք, համտեսեցինք, համեմատեցինք ու ամենակարևորը՝ վերջում հյուրասիրեցինք։