Մասնակիցներ — Հյուսիսային դպրոցի 2․2 դասարանի սովորողներ, ընտանեկան դպրոցներ

Տևողությունը՝ սեպտեմբեր

Միջավայրը՝ դասարան լաբորատորիա, բակ-պարտեզ, ընտանեկան դպրոցներ

«Ես» ուսումնական նախագիծը արտացոլված չէ կրթահամալիրի ուսումնական օրացույցում, սակայն կրտսեր դպրոցում այն իրագործելի, սիրելի ու կարևոր նախագիծ է, քանի որ համընկնում է ուսումնական տարվա մեկնարկի, իսկ նորեկ սովորողների համար՝ դպրոցամուտի հետ:

Նպատակը՝ Սովորողների ինքնաճանաչման միջոցով նպաստել միջավայրի ադապտացմանը (յուրացմանը), անհրաժեշտ փոխհարաբերությունների (սովորող-սովորողներ, սովորող-ուսուցիչ) հաստատմանը՝ զարգացնելով սովորողների ինքնուրույնությունն ու ինքնասպասարկման հմտությունները: Ինչպես նաև, սովորողների ընտանիքներին ներգրավելով ուսումնական աշխատանքներում՝ դարձնել կրթական ծրագրի պատասխանատու:

Խնդիրները`

Երկրորդ դասարան

• Բանավոր խոսքի զարգացում (սովորողի ինքնարտահայտման պահանջմունքի բավարարում).
• Տեխնոլոգիական հմտությունների զարգացում.
• Հաղորդակցական հմտությունների զարգացում.
• Համագործակցային հմտությունների զարգացում.
• Ստեղծագործական երևակայության զարգացում:

Տևողությունը՝ սեպտեմբերի 2-ից  մինչև սեպտեմբերի 30-ը (երկուսից երեք շաբաթ, կարող է ունենալ շարունակական բնույթ՝ կապվելով ՛՛Տիեզերք՛՛ և ՛՛Բարձունքի նվաճում՛՛ նախագծերի հետ):

Միջավայրը՝ դասասենյակ, բակ-պարտեզ, մարմնամարզական դահլիճ, տուն (ընտանիք), մեդիատիրույթ (բլոգ, ենթակայք, կայք):

Անհրաժեշտ գործիքները՝ անհատական նեթբուք-նոթբուք, ձայնագրիչ, տեսախցիկ, համակարգչային ծրագրեր (Paint, MS Word, MS Power Point,…),  թղթեր (գունավոր, տարբեր հաստության ու չափի), գուաշ, ջրաներկ, վրձին, կավ, պլաստիլին, այլ (կտորներ, կոճակներ, ժապավեններ…):

Ուսումնական գրականության, այլ ռեսուրսների ցանկ

       գրական ստեղծագործությունների ցանկ

• Սովորողների ինքնապատումներ
• Աթաբեկ Խնկոյան —  «Ես»
• Աթաբեկ Խնկոյան  — «Չալ կաչաղակը»
• Ղազարոս Աղայան — «Մանուշակ»
• Աթաբեկ Խնկոյան  — «Խխունջն ու սունկը»

երաժշտական (պարային) ստեղծագործությունների ցանկ

• Կրթահամալիրի հիմն՝ Անդաստան
• Արև, արև, ե՛կ, ե՛կ
• Արև, արև, դուրս արի
• Կաքավի երգը
• Խորոզ
• Եթե դուր է գալիս…
• Գյոնդ (Գյովնդ)
• Թամզարա
• այլ (ուսումնական ֆիլմ, մուլտֆիլմ, տեսանյութ, տեսադաս…)

Ազգային, բակային խաղեր

Հիմնական թեմաները՝

• Ես
• Իմ մասին
• Իմ ընկեր
• Ես նման եմ…
• Ես ուրախանում եմ, երբ…
• Ես տխրում եմ, երբ
• Երբ ես փոքր էի
• Իմ սիրած գույնը, միրգը, կերակուրը…
• Իմ սիրելի խաղալիքը
• Իմ սիրած գույնը, միրգը, կերակուրը…
• Իմ տատիկն ու պապիկը

«Իմացումի հրճվանք» ծրագրի երկրորդ դասարան

Ուսումնական գործունեության ոլորտները՝

Մայրենի լեզու

• Պատմում է (գրավոր) իր, իր ընտանիքի մասին՝ հաղորդելով կոնկրետ տվյալներ:
• Պարզ նախադասություններով նկարագրում ու բնութագրում է իրեն ու մյուսներին:

ՏՀՏ

• Աշխատում է paint ծրագրով (նկարում է իրեն):Կերպարվեստ, տեխնոլոգիա
• Ստեղծում է ինքնանկար (ջրաներկով, գուաշով):

Նախագծի արդյունքում՝

Բոլոր աշխատանքները հրապարակվում են բլոգում՝

• Խոսում է իմ տիկնիկը (մեդիապատումների շարք)
• Ես՝ իմ մասին(ինքնապատումների շարք)
• Իմ ընտանիքը(ինքնապատումների  շարք)
• Իմ ընկերը (ինքնապատումների  շարք)
• Իմ անունը(անվանակոչման ու անվան ծագման պատմություններ)

Նախագծի արդյունքներն ամփոփվում են դասարանական բլոգում

«Տիեզերք» ուսումնական նախագիծն ամենամյա է և իրականացվում է կրտսեր դպրոցի 1-3-րդ դասարաններում:
Իրականացման տևողությունը` շուրջտարյա

Նպատակը
Բնական, կենսական (շրջակա) միջավայրի ճանաչողության միջոցով նպաստել շրջակա միջավայրի պահպանմանն ու բարելավմանը:

Խնդիրները

• Սովորողների աշխարհաճանաչողության զարգացում
• Բնական, կենսական միջավայրի ուսումնասիրություն
• Դիտումներ (դիտարկումներ) կատարելու, արդյունքները համադրելու հմտությունների զարգացում
• Աշխատանքային խմբերի ձևավորում (անհատական, խմբային, դասարանական)
• • Ստեղծագործական մտքի, երևակայության զարգացում
• Տեխնոլոգիական հմտությունների զարգացում

Ընթերցանության նյութեր

•  Հ.Թումանյան ․ «Ճամփորդները»
• Արտույտն ու երկինքը

Նախագծի իրականացման ընթացքը (ընդհանուր նկարագրություն)

Լեզվագործունեություն և շրջակա աշխարհ
• Ուսումնասիրել երկինքը դիտումների միջոցով օրվա տարբեր ժամերին՝ տանը և դպրոցում:
• Պատմել երկնքի մասին. Ինչպիսի՞ն է երկինքը, երբ ցերեկ է: Ինչպիսի՞ն է երկինքը, երբ գիշեր է:
• Ստեղծագործական աշխատանք ռոդարիական հնարքներով՝ հորինել հանելուկներ, ստեղծել նոր ու անսովոր բառեր,  փորձել բացատրել դրանք:

Կերպարվեստ, տեխնոլոգիա և մեդիատեխնոլոգիա
• Նկարել մեր տեսած երկինքը, իսկ որպես նախագծի ամփոփում՝ տիեզերքը: Աշխատել գուաշով և ջրաներկով:
• Հաջորդ քայլը համակարգչային Paint ծրագրով աշխատել: Յուրացնել հիմնական գործիքների ֆունկցիաները։
• Նկարել երկնային մարմինները՝ արև, լուսին:
• Նկարել գիշեր, ցերեկ, և որպես նախագծի ամփոփում՝ նկարել տիեզերքը:
• Դիտել ուսումնական մուլտֆիլմ աստղագիտության մասին:

Մաթեմատիկական գործունեություն
Էլեկտրոնային առաջադրանքներ Smart notebook ծրագրով առարկաների տարածական առնչությունների վերաբերյալ ( վերև-ներքև, առաջ-ետ, աջ-ձախ, բարձր-ցածր, մոտ-հեռու, ներս-դուրս, վրա-տակ, միջև-մեջտեղը, մեծ է, փոքր է, հավասար է): Առաջադրանքները կազմվում են արևի, լուսնի, աստղերի, ամպերի պատկերներով:

Ուսումնասիրության թեման՝ Տիեզերք, մոլորակներ, Երկիր մոլորակ:

Ուսումնական գործունեության ոլորտները՝

Երկրորդ դասարան
Մայրենի
• Պատմել (բանավոր և գրավոր) Երկիր մոլորակի մասին՝ հաղորդելով իր իմացած տվյալները:
• Ստեղծագործել, հորինել փոքրիկ բառակապակցություններ  անսովոր երևույթների մասին:

ՏՀՏ
• Աշխատել Paint ծրագրով:
Կերպարվեստ, տեխնոլոգիա
Նկարել Երկիր մոլորակը, Իմ մոլորակը, Տիեզերքը թեմաներով նկարներ:
Պատրաստել  տիեզերական կոլաժ-կերպարներ:

Նախագծի արդյունքում
Նախագծի արդյունքում սովորողները ամբողջացնում ու ավելացնում են իրենց ունեցած ինֆորմացիան տիեզերքի, Երկիր մոլորակի մասին: Աշխատում են ստեղծագործական հնարքներով: Ստեղծում են դասարանական էլեկտրոնային ընթերցարաններ, որոնք հրապարակվում են բլոգում, ենթակայքում:
Նախատեսվող ուսումնական ճամփորդություն՝ Բյուրականի Աստղադիտարան:

Վայրը՝ Հյուսիսային  դպրոց-պարտեզ

Մասնակիցներ՝ 2․2 դասարանի սոորողներ

Նախագծի նպատակը

Սովորողներին նախապատրաստում և տրամադրում  է  ուսումնական տարվա խոստումնալից  և  հետաքրքիր մեկնարկին: Զարգացնում է լողալու հմտությունները, կոփում է մարմինը։

Ընթացք

Սեպտեմբերի 2- ից հոկտեմբերի 31-ը

Սովորողներն ինքնուրույն զգեստափոխվում են, մարզվում, ցնցուղով ցողվում,  լողում և լողափնյա խաղեր իրականացնում։

Մասնակիցներ՝ Հյուսիսային դպրոցի 2․2 դասարանանի սովորողներ

Տևողություն՝ շուրջտարյա

Նպատակը
Սովորողներին ծանոթացնել Կոմիտասի երգերին, մշակումներին:

Խնդիրները
Զարգացնել սովորողների երաժշտական ճաշակը
Համատեղ համերգի կազմակերպում Կոմիտասյան երգերով:
Նրա ստեղծագործությունների միջոցով սովորողներ մեջ սեր առաջացնել երաժշտության և ազգայինի նկատմամբ

Միջավայրը
Դասարան, բակ-պարտեզ, ընթերցասրահ-լաբորատորիա, թանգարան, մշակութային հարթակներ

Նախագծում կարող ենք ընդգրկել մայրենի լեզու, կերպարվեստ-ձեռարվեստ, երգ- պար և մեդիատեխնոլոգիա առարկաները:

Աշխատանքի կազմակերպումը

Դասը սկսում ենք առավոտյան ընդհանուր պարապմունքից: Ընդհանուր պարապմունքը առանձնահատուկ է նրանով, որ բոլորը՝ նախակրթարանից սկսած մինչև հինգերորդ դասարան, միաժամանակ Կոմիտաս են երգում, ունկնդրում: 

Կոմիտասյան երգեր,

Լեզվագործունեություն

Ընդհանուր պարապմունքից անմիջապես հետո մեր կոմիտասյան ունկնդրումները շարունակվում են դասարանում: Դասը սկսում ենք Կոմիտասի մասին մեր իմացածը փոխանցելով:

– Ո՞վ է Կոմիտասը:

– Ի՞նչ գիտենք Կոմիտասի մասին:

– Ի՞նչ ենք  լսել մեծերից:

Նկարով կճանաչենք Կոմիտասին

.  Կլինեն տեղեկություններ նրա մասին

 .  Ֆիլմեր և մեդիանյութեր

 .Ձայնագրություններ նրա կատարմամբ

Կլինեն նաև անսպասելի հարցեր, որոնց պատասխանները կգտնենք ինտերնետի, մեծերի միջոցով:

Կոմիտասյան երաժշտությունն ու գույները համատեղելով կստանանք կոմիտասյան շնչով ներկված նկարներ։

 . 

Կարող ենք աշխատել նաև բակում,  խոտերի, քարերի վրա նստած: Դա կլինի երևակայական-ստեղծագործական աշխատանք ջրաներկով կամ գուաշով՝ Կոմիտասի որևէ  երգի ներքո: Երեխաները կնկարեն այն ինչ կստացվի այդ երգը լսելիս: Այդ ամենը տեսագրված, մշակված տարբերակով, որպես ֆիլմ կհայտնվի մեր դասարանական բլոգում:

Գործունեության հաջորդ ձևը խաղ-ներկայացումն է:

Կրտսեր դպրոցում, որպես ինքնաարտահայտման, ինքնադրսևորման յուրահատուկ միջոց, շատ կարևոր է նաև խաղը, թատրոնը: Գործունեության այս ձևը՝  որպես խմբային աշխատանք,  զարգացնում է բանավոր խոսքը, լեզվամտածողությունը, ձևավորելով    բազմաթիվ կարողություններ և հմտություններ՝ համատեղ աշխատելու, լսելու, վերարտադրելու:

 Քանի որ երգի տեքստը ունի սյուժե,   մեզ մնում է միայն խաղալ: Ընթացքում կարող ենք որոշ փոփոխություններ անել. շրջել, խաղը սկսել վերջից:

Տեխնոլոգիա և բնագիտություն
.Բնության մեջ ձայների ունկնդրում:
Բնական նվագարանների միջցով ձայների ստեղծում։
Տարբվեր ինքնաշեն նվագարանների ստեղծում։

Paint ծրագրով նկարել կոմիտասյան մշակած երգերի տողերն ու ստեղծել կարաոկեներ, ընտրել այն երգերը որոնք չունեն կարաոկեներ։

Հանելուկներ

1․ Ուլուլիկ, պուլուլիկ,
Մեջը դեղին ուլունք:

2.Տուն ունեմ, դուռ չունի,
Դուրսն արծաթ, մեջը ոսկի:

3․ Այսօր կլոր մարմար քար,
Վաղը թռչի վեր ու վար:

4․ Շնչավորից անշունչ ելավ,
Անշունչից շնչավոր:

5. Կարաս ունեմ մի պուճուր,
Մեջը՝ երկու գույնի ջուր:

Շարունակել կարդալ “Զատկական ասիկներ, խաղեր” →