Արհեստների, արվեստների քաղաք Գյումրի․ հայրենագիտական ճամփորդություն / նախագիծ/
Հունիսի 9-ին մեր օրը սկսվեց ժամերգությամբ՝ Սուրբ Երրորդություն եկեղեցում։ Ժամերգությունից հետո պետք է գնայինք Գյումրի։ Սովորողների ոգևորությանը չափ ու սահաման չկար։ Ինչ իմացել էին, որ պետք է ճամփորդեինք, ու այն էլ Գյումրի, ուրախությունից տեղները չէին գտնում։
Վերջապես հասանք «Արհեստների ու արվեստի քաղաք»՝ Գյումրի։ Սովորողներն առաջին անգամ էին այցելում հայոց հայրաքաղաք Գյումրի, այդ էր պատճառը, որ ուսումնասիրում էին քաղաքի ամեն մի քար, ամեն մի շենք։ Նախքան ճամփորդությունն իրականացնելը՝ մենք խոսել էինք Գյումրու մասին, սովորողները ծնողներին ևս փոխանցել էին այն տեղեկությունները, որոնք միասին էինք քննարկել դպրոցում։ Երևի մեր քննարկումներն ու զրույցներն էին ազդել սովորողների՝ այդչափ ուշադիր ամեն քար ու շենք զննելու, ուսումնասիրելու վրա։
Երկու օր տևած ճամփորդությունը մի ակնթարթի նման անցավ, քանի որ տեսնելու, պատմելու, զննելու վայրերն այնքան շատ էին, որ չհասցրեցինք ձանձրանալ։ Եղանք Սև ամրոցում, որտեղ էլ «Հակաբացիլ Կոմիտաս»-ով ողեղեցինք ամրոցի շրջակայքը։ Ամրոցի տարածքում գտնվող մարդիկ ևս միացան մեզ։ Մեր հայրենագետ-ուսուցիչ ընկեր Ֆլորան ներկայացրեց ամրոցի տարածքը, կառուցման պատմությունը։ Այցելեցինք Ձիթողցոնց տուն, որտեղ էլ ծանոթացանք Գյումրու կենցաղի պատմությանը, սովորողներին սեղմ ներկայացվեց Գյումրու ընդհանուր պատմությունը։ Հետո եղանք Իլյուզիաների թանգարանում, որտեղ սովորողները տարբեր հետաքրքիր լուսանկարներ արեցին տարբեր անկյուններից։ Սոովորողներին այստեղ ամեն ինչն էր հետաքրքիր։ Գորկու անվան այգում՝ Անֆիթատրոնի տարածքում ունեցանք այլընտրանքային նկարաչություն, որը կազմակերպել էր սեբաստացի Հանայի մայրիկը՝ նկարիչ Սոնա Բաղդասարյանը։ Իսկ հետո ճանապարհը մեզ տարավ դեպ «Մեր մանկության տանգոն» ֆիլմի հայտնի «Վառեմ-մարեմ» պատշգամբի դիմաց գտնվող արհեստանոցը։ Այստեղ էլ ծնողները սովորողների հետ միասին ունեցան հետաքրքիր ժամանակ։ Հաջորդ օրը այցելեցինք «Գյումրիկ» արհեստանոց և սովորողներն իրենց ձեռքերով վարպետ Արսենի հետ պատրաստեցին փայտե Գյումրիկները։
Գյումրու ճամփորդության մանրամասները՝ տեսանյութում։
Սև ամրոց․ հակաբացիլ Կոմիտաս
Այընտրանքային նկարչություն
Ձիթողցոնց տուն
Այցելություն «Գյումրիկ» արվեստանոց
Թափառումներ Գյումրիում