Կամավորական աշխատանք․ օր առաջին

Հյուսիային դպրոցի նախակրթարան՝ 2 — 5 տարեկանների խումբ

Դաստիարակ՝ Արմինե Եղիազարյան, Մարիա Մկրտչյան

Կամավորական աշխատանքի շրջանակներում այսօր պետք է նախագիծ իրականացնեի Հյուսիսային դպրոցի 2 — 5 տարեկանների խմբում։ Աննկարագրելի սպասում, այսքան մեծ դադադրից հետո՜։ Այն էլ ինչ նախագիծ՝ լողափնյա, մարզական։ Չնայած չկար ամռան շոգից միշտ մեզ փրկող լողավազանը, բայց դե, սեբաստացին միշտ էլ գտնում է այլընտրանքային տարբերակներ։

Այն հավես աղմուկը չկար դպրոցում, ե՞րբ էր ամռանն այսպիսի լռություն եղել կրթահամալիրում… երբե՛ք։

Ջերմաչափում արեցին և գրանցեցին թե՛ Հյուսիսային դպրոցի, թե՛ խմբասենյակի մուտքի մոտ։ Նախակրթարանի սաներն արդեն ինձ էին սպասում. ընկեր Արմինեն և ընկեր Մարիան տեղեկացրել էին , որ հավես խաղեր ենք խաղալու միասին։ Ինքնուրույն հանվեցին, հագան լողազգեստը, վերցրեցին ջրով լցված դույլերն, ու դուրս եկանք բակ։ Բացի լողափնյա մարզումներից ու փրփրաջրային խաղերից, ստեղծեցինք այլընտրանքային՝ ռիթմիկ կաթ — կթոցներով ու չլմփոցներով նվագարան և սկսեցինք նվագել։ Սկսվեց իսկական ջրային իրարանցումը։

 

Հունիսի 8 — 12-ը 《Մխիթար Սեբաստացի》 կրթահամալիրում իրականացնելու եմ կամավորական աշխատանք:

Հունիսի 8 — Հյուսիսային դպրոց

Հունիսի 9 — Քոլեջ

Հսւնիսի 10 — Հարավային դպրոց

Հունիսի 11 — Արևելյան դպրոց

Հունիսի 12 — Արևմտյան դպրոց

Աշխատանքի ամփոփում՝ տե՛ս այստեղ

Օրը՝ Հունիսի 12

Վայրը՝  Արևմտյան դպրոցի բակ

Ժամը՝ 11:00-12:30

Մասնակիցներ՝  2-5 տարեկաններ

Մարզական խաղերը մեծ հետաքրքրություն են առաջացնում սովորողների մոտ: Մարզական խաղերը նպաստում են սովորողների ֆիզիկական ակտիվության և ճկունության զարգացմանը, խաղերի շնորհիվ նրանց օրը դառնում է հետաքրքիր և հագեցած: Խաղերը ընտրվում են հաշվի առնելով սովորողների տարիքը և մարզական հետաքրքրությունները: Մարզական խաղերը զարգացնում են  ուշադրության կենտրոնացմումը, արագ կողմնորոշվելու ունակությունը:

Նախապատրաստական աշխատանք

Սաները ինքնուրույն զգեստփոխվում են՝ հագնում մարզահագուստ:

Ուրախ նախավարժանք

Խաղ 1-Փուչիկ-գմփիկ

Տարբերակ 1

Մասնակիցները բաժանվում են երկու խմբի: Երկու մասնակից կանգնում են թիկունքով, փորձում են իրենց մեջտեղում պահած գնդակը (կամ փուչիկը), առանց գետնին գցելու, հասցնել օղակին:

Տարբերակ 2

Կանգնում են թիկունքով, փորձում են իրենց մեջտեղում պահած փուչիկը պայթեցնել:

Խաղ 2-Փուչիկախաղ

• Մասնակիցները բաժանվում են 2 խմբի և կանգնում դեմ դիմաց: Ամեն անգամ 3 կամ 4-5  մասնակից գունավոր փուչիկները ձեռքերով հրելով և առաջ քայլելով առանց փուչիկը գետնին գցելու պետք է փոխանցի դիմացի շարքում կանգնած մասնակցին:
• Նույնը՝ բայց գլխով են փորձում:

 

Խաղ 3-Փուչիկացատկ

Մասնակիցները, փուչիկը ոտքերով պահած, ցատկելով շրջանցում են բուլավան, փուչիկը ձեռքում պահած՝ վազելով վերադառնում և փոխանցում են ընկերոջը։

 

Խաղ 4-Պահի՛ր գնդակը

Մասնակիցները պառկում են շրջանաձև, ոտքերով փորձում են մեծ գնդակը առանց գետնին գցելու իրար փոխանցել:

Անհրաժեշտ մարզագույք`

Գնդականեր, փուչիկներ