Բարձունքը հաղթահարված է։ Այս անգամ հաղթահարեցինք Թեժառույքի վանքի բարձունքը։

《Ես》 նախագծի շրջանակում Հյուսիսային դպրոցի 2֊րդ դասարանի սովորողներն ընկեր Տաթևի օգնությամբ նկարում են իրենց դիմանկարները։

Ուսումնական ճամփորդություն դեպի Կոտայքի մարզ, գյուղ՝ Մեղրաձոր․ Թեժառույքի վանքի բարձունքի հաղթահարում

«Բարձունքի հաղթահարում» նախագծի շրջանակներում պատրաստվում ենք իրականացնել`

• Ուսումնա-հայրենագիտական ճամփորդություն դեպի  Թեժառույք
• Աշնանային ընթերցումներ Թեժառույքի բարձունքին.  կարդում ենք Թումանյան, Կոմիտաս
• Ստեղծագործական աշխատանք աշնանային անտառում
• Նկարչական պլեներ
• Շրջակա միջավայրի խնամք, հանրօգուտ աշխատանք Մարմարիկ գետի ափին

Թեժառույքը կամ Տրդատավանքը գտնվում է Մեղրաձոր գյուղից հարավ-արևմուտք, ճանապարհն անցնում է անտառապատ արահետներով:

Հաղթահարվող բարձունքը՝  Թեժառույք կամ Տրդատավանք

Նախագծի իրականացման օրը՝  սեպտեմբերի 25

Ճամփորդողների խումբը` Հյուսիսային դպրոցի 2-րդ դասարանի սովորողներ, ծնողներ

 Նպատակը՝ սովորողների ստեղծագործական, հայրենագիտական, աշխարհագրական, ճամփորդական գիտելիքների զարգացում, ամրապնդում, կողմնորոշում տեղանքում, հայրենիքի տեսարժան վայրերի ու բարձունքերի բացահայտում, նոր ընկերների ձեռքբերում:

Նախագծի ընթացքը

Հաղթահարում ենք Թեժառույքի բարձունքը, ուսումնասիրում տեղանքը,  վանական համալիրը,  աղբից մաքրում տարածքը, լուսանկարում, ապա բարձունքում գտնվող բացատում իրականացնում նկարչական պլեներ և ընթերցումներ։

Մեկնում` Հյուսիսային դպրոցից, սեպտեմբերի 25, ժամը 09:10

Վերադարձ՝  ժամը 16:00

Անհրաժեշտ պարագաներ՝

• Ուսապարկ
• Բրդուճներ
• Թաց և չոր անձեռոցիկներ
• Ջուր-ջրաման-թերմոս
• Արևապաշտպան գլխարկ
• Հարմար հագուստ, կոշիկ
• Բուժական արկղիկ
• Մեդիագործիքներ – հեռախոս, պլանշետ, ֆոտոխցիկ, ձայնագրիչ
• Գունավոր մատիտներ, թղթեր
• Աղբի տոպրակ, մեկանգամյա օգտագործման ձեռնոցներ
• Հեռադիտակ

Սովորողների հետ նախապատրաստական աշխատանքներ`

Մինչ ճամփորդելը՝ սովորողների հետ իրականցվում են նախապատրաստական աշխատանքներ, google քարտեզով ծանոթանում են տեղանքին, նախապես քննարկում են ճամփորդության անհրաժետ իրերն ու միասին ցուցակագրում։

Ճամփորդության ավարտից հետո  սովորողներն ընդհանրացնում են հավաքած տեղեկությունները, պատմում իրենց  տպավորությունների մասին  և վերջնական արդյունքները հրապարակվում են դասվարի բլոգում:

Իրականացվող նախագծեր՝

«Ես» ուսումնական նախագիծ

«Տիեզերք» նախագիծ

Գիտելիքի օրը՝ սեպտեմբերի 1-ը, Հյուսիսային դպրոցի 2․3 դասարանի սովորողները դիմավորեցին բարձունքին։ Նրանք հաղթահարեցին Արզականի գյուղի Նեղուցի վանքի բարձունքը/ Կոտայքի մարզ/։ Հետաքրքիր ու խոստումնալից սկիզբ է նոր՝ 2020 — 2021 թթ․ ուսումնական տարվա համար։ Մեզ սպասվում են ամենահետաքրքրիր ճամփորդությունները։

Ճամփորդության ընթացքը՝ տեսանյութում

2․3 դասարանի հեծանվորդները